أعتذار و تنوية

ملحوظة هامة للغاية :
أكتشفت أني كنت عامل التعليقات للأعضاء المسجلين فقط و أقسم باللة العظيم أني لسة واخد بالي دلوقتي حالا و ماكنتش عاملها بقصد ماعرفش جت أزاي ( غشامة و حياة ربنا ) و قلت في نفسي يا واد أكيد الناس دي كلها ظنوا بك الظنون عمال تتشدق بالحرية و الديمقراطية و تقول اللي لية شوق في حاجة يقولها ...و انت ماختلفتش كتير عن كل الدكتاتوريين المصريين بما فيهم الدكتتاتورين الصغيرين ( و أنا هنا بأقصد المدونين ) اللي بيحطواتحكمات من أول التحذير اللي يخش يخش بأدبة لحد التحكم في التعليقات و مضاهاة الكلمة و منع تعليقات و منع االمجهولين وصولا الي مسح التعليقات اللي مابتعجهمش .
و أنا من منبري هذا أعلنها صريحة مدوية لا للكومنت موديريشن ولا لمسح التعليقات و لا للورد فيرفيكاشن .
و أعتذر مرة أخرى أني كنت قافل التعليقات على المدونين فقط فأنا لست منافقا و لا أطالب بأي شئ قبل أن افرضة على نفسي أولا .